भियतनामले तेल र ग्यासको बढ्दो मूल्यबीच घरेलु बजारमा स्थिरताका लागि कर हटाएको छ ।

भियतनामले पेट्रोल, डिजेल र जेट फ्युलमाथिको कर अस्थायी रूपमा हटाएको हो । भियतनामको अर्थ मन्त्रालयले पर्यावरण संरक्षण कर र विशेष उपभोग कर तत्कालका लागि हटाएको हो ।

मन्त्रालयका अनुसार यो निर्णय १५ अप्रिलसम्म लागू रहनेछ । यसबाट इन्धनको बढ्दो मूल्यको असर कम गर्न र बजारमा स्थिरता ल्याउन सकिने विश्वास भियतनाम सरकारको छ ।