काठमाडौं । २१ गते प्रतिनिधि सभा निर्वाचन को समानुपातिक तर्फको मत परिणाम सार्बजनिक भएको छ । गण्डकी प्रदेशको समानुपातिक मत परिणाममा राष्ट्रिय स्वतन्त्र पार्टी (रास्वपा) पहिलो दल बनेको छ भने नेकपा चौथों दलमा खुम्चिएको छ ।

गण्डकीमा पहिलो स्थानमा रहेको रास्वपाले ५ लाख २५ हजार ६३५ मत प्राप्त गरेको छ । नेपाली काँग्रेसको गढ मानिने गण्डकीमा २ लाख ७ हजार ३८७ मतमा सिमित रहयो । तेस्रो स्थानमा रहेको नेकपा एमालेले एक लाख ५२ हजार ५८७ र चौथो स्थानमा रहेको नेपाली कम्युनिस्ट पार्टीले ५७ हजार ८७६ मत प्राप्त गरेको छ ।

प्रत्यक्ष तर्फको निर्वाचनमा रास्वपा गण्डकीमा पहिलो दल बनेको छ । १८ सिटमध्ये रास्वपाले १५ सिट जितेको छ । नेपाली कांग्रेसले २ सिट जितेको छ भने बाँकी एक सिट स्वतन्त्र उम्मेदवारले हात पारेका छन् । नेकपा एमालेले भने यस प्रदेशका कुनै पनि स्थानमा जित हासिल गर्न सकेन ।