काठमाडौं। झापा निर्वाचन क्षेत्र नम्बर–५ मा राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र साह (बालेन) भारी मतान्तरसहित विजयी भएका छन्। उनले नेकपा एमालेका अध्यक्ष तथा पूर्वप्रधानमन्त्री केपी शर्मा ओलीलाई पराजित गर्दै प्रतिनिधिसभा सदस्यमा निर्वाचित भएका हुन्।

अन्तिम मतपरिणाम अनुसार बालेनले ६८ हजार ३४८ मत प्राप्त गरेका छन्। ओलीले १८ हजार ७३४ मत मात्र प्राप्त गरे। यससँगै बालेनले ओलीलाई ४९ हजार ६१४ मतान्तरले पराजित गरेका छन्।

झापा–५ मा कुल १ लाख ६ हजार ३७२ मत खसेको थियो। बालेनले प्राप्त गरेको मत यस निर्वाचनको सर्वाधिक मतमध्ये एक मानिएको छ।

ओलीका लागि संसदीय चुनावमा यो दोस्रो पराजय हो। यसअघि उनले २०६४ सालको संविधानसभा निर्वाचनमा झापा–७ बाट माओवादी उम्मेदवारसँग हार व्यहोरेका थिए। त्यसयता उनले विभिन्न निर्वाचनमा जित हासिल गर्दै आएका थिए।

यसपटक भने झापा–५ मा मतदाताले नयाँ विकल्प रोज्दै बालेनलाई विजयी बनाएका छन्। चुनावी प्रतिस्पर्धामा रहेका अन्य उम्मेदवारले न्यून मत प्राप्त गरेपछि उनीहरूको जमानत जफत भएको छ।