काठमाडौं - प्रतिनिधि सभा निर्वाचनमा राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहले झापा–५ बाट ऐतिहासिक जीत हासिल गर्दै संसदीय इतिहासकै सर्वाधिक मत ल्याएर सांसद बनेका छन्।

प्रधानमन्त्री पदका उम्मेदवारसमेत रहेका शाहले पूर्वप्रधानमन्त्री केपी शर्मा ओलीलाई फराकिलो मतान्तरले पराजित गरेका हुन्। परिणामअनुसार, शाहले ६८,३४८ मत ल्याए भने ओलीले मात्र १८,७३४ मत पाएका छन्।

यसअघि २०७४ को निर्वाचनमा झापा–५ बाट ओलीले ५७,१३९ मत ल्याएर जीत हासिल गरेका थिए भने दोलखाबाट एमालेका पार्वत गुरूङले ५५,३६१ मत ल्याएका थिए। २०८० को उपनिर्वाचनमा चितवन–२ मा रवि लामिछानेले ५४,१७६ मत ल्याएका थिए। शाहले तोडेको यो रेकर्ड नेपाली संसदीय निर्वाचनमा नयाँ माइलस्टोनको रूपमा देखिएको छ।

बालेन शाहका विशेष उपलब्धि

विश्वकै कान्छा प्रधानमन्त्री बन्ने सम्भावना, उमेर ३५

महानगर मेयरबाट सिधै संघीय संसदमा प्रवेश

राजनीतिमा अपराजित दोस्रो इनिङ्स

वैकल्पिक राजनीतिको आशावादी नेता, एकल दुई तिहाईको प्रधानमन्त्री बन्ने सम्भावना

परम्परागत राजनीतिमा चुनौती दिँदै चार वर्षभित्र संघीय सत्तामा जनअनुमोदित कब्जा

कम बोलेर कामको उदाहरण प्रस्तुत गर्दै जनविश्वास कायम

४० वर्षमुनिका युवाहरूबाट उल्लेख्य समर्थन

शाहको विजयले नेपाली राजनीतिमा नयाँ युगको संकेत गरेको विश्लेषकहरूको विचार छ। मतान्तर र युवा समर्थनको दृष्टिले यो परिणामलाई इतिहासमा ब्रेकथ्रुको रूपमा हेरिएको छ।