काठमाडौँ — नेपालले चैतमा हङकङविरुद्ध मैत्रीपूर्ण अन्तर्राष्ट्रिय फुटबल खेल्ने भएको छ । अखिल नेपाल फुटबल संघ (एन्फा) का अनुसार चैत १२ मा दशरथ रंगशालामा यो खेल हुनेछ ।

एन्फाले बुधबार यसबारे औपचारिक रूपमा जानकारी दिएको हो । म्याट रसले छाडेयता नेपाली पुरुष राष्ट्रिय टिमका नियमित प्रशिक्षक भने रहेको छैन् ।

सम्भवतः एन्फाले यस अगाडि नै नेपाली टिमको मुख्य प्रशिक्षक नियुक्त गर्नेछन् र तिनले नै टिमको तयारी सुरु गर्नेछ । नेपालले पछिल्लो पटक हङकङविरुद्ध खेलेको मैत्रीपूर्ण अन्तर्राष्ट्रिय फुटबल गोलरहित बराबरीमा टुंगेको थियो ।

नेपालले एसियाकप छनोट तेस्रो चरणको समूह एफ मा एक खेल खेल्न बाँकी छ र यो लाओसविरुद्ध रहेको छ ।